Кашмир өрөөнүндө 4 миң адам кар көчкүгө камалды

Индиянын Гималай тоолорунун өңүрүнө жааган калың кардан улам Кашмир өрөөнүнүн калкы эки күндөн бери камоодо отурат. Кар көчкүдөн кеми сегиз киши набыт болду.

Жамми-Кашмир штатынын башкы аэропорту да жабылды. Электр мамылары кулап, чөлкөмдүн калкы чыраксыз жана телефон байланышысыз калды. Жамми-Шринагар даңгыр жолунда көчкүгө камалган 4 миңдей жолоочуну куткаруу иштери жүрүүдө.

Дүйнөдөгү соңку жаңылыктарды Амирбек Азам уулу даярдады.