Россиялык атайын күчтөр Кабардин-Балкариянын Нальчик шаарында козголоңчулардын шектүү тобун жок кылганы маалымдалды. Кабардин-Балкариянын прокурору: “Чеченстандагы жортуулдарга жана террордук аракеттерге катышкан мыйзамсыз куралдуу топтордун мүчөлөрү жок кылынды”, -деп билдирди. Ал эми ички иштер министрлиги операция учурунда газ колдонгонун тастыктады. Операция маалында үч же болбосо беш шектүү согушчан жок кылынганы айтылууда.
