Аптанын этегинде Ливанга АКШнын жогорку даражалуу дипломаты келет. Мамлекеттик катчынын орунбасары Дэвид Саттерфилд Бейрутта ырасмий өкүлдөр менен жолугуп, сүйлөшүүлөрдү өткөрөт. Мамлекеттик департаменттин өкүлү Ричард Баучер сүйлөшүүлөр учурунда бардык чет элдик аскерлерди Ливандан чыгаруу, алдыдагы шайлоону адилет жана эркин өткөрүүгө өбөлгө боло турган саясий жагдай түзүү маселелери талкуулана тургандыгын билдирди. Мындан тышкары Ливандын экс-премьери Хариринин өлүмүнө байланыштуу да маселе козголот.
