БИШКЕК. 25-февралда кечинде Кыргызстанга КМШнын аткаруу комитетинин төрагасы жана Шериктештиктин байкоочуларынын штаб башчысы Владимир Рушайло келери күтүлүүдө. Анын Бишкекте президент Аскар Акаев, өкмөт башчы Николай Танаев, Борборшайлоокомдун төрагасы Сулайман Иманбаев менен жолугушуусу белгиленген. Шериктештикке кирген өлкөлөрдүн жетөөсүнөн эки жүздөн ашуун байкоочунун келери күтүлүүдө. Ал эми ЕККУнун 200гө чукул байкоочулары Кыргызстанга келип, жер-жерлерге тарашууда. Бул тууралуу уюмдун Бишкектеги өкүлчүлүгүнөн 25-февралда кабарлашты.
