БИШКЕК. Ушул жылдын жарымынан тарта Дүйнөлүк банк Кыргызстанга 120 миллион долларлык грант берет. Мындай маалымат өткөн жумада Дүйнөлүк банктын Вашингтондо өткөн жыйынында кабарланды. Кыргызстандан ал жыйынга катышкан вице-премьер министри Жоомарт Оторбаевдин айтымында, Дүйнөлүк банк грантты өлкөнүн экономикасын көтөрүүгө багытталган алдыдагы үч жылдык программасын ишке ашыруу үчүн берет. Ал үчүн кыргыз өкмөтү Кыргызстандын 2010-жылга чейинки комплекстүү өнүгүү негиздеринин алкагында үч жылдык программаны иштеп чыгып, каражат сарптала турган келечектүү тармактарды аныкташы керек.
