ОШ. №41 Карасуу шайлоо округу боюнча талапкер Арап Төлөновдун жактоочулары эки күндөн бери Карасуу-Ош жолун тосуп турушат. Транспорт кыймылынын токтогондугуна байланыштуу Борбор Азиядагы ири соода бирикмелеринин бири Карасуу базары убактылуу жабылды. Бул жерде шайлоонун жыйынтыктары боюнча сот жараяны 1-мартта алгач саат онго, андан соң түшкү экиге белгиленип,белгисиз себептер менен кечиктирилди. Нааразылык чарасынын катышуучулары маселе оң жагына чечилбесе, анда Ош шаарына, андан ары Бишкекке жөө жүрүш жасаша тургандыктарын билдиришти.
