Кытайдын эл депутаттарынын кезектеги курултайында Тайван маселеси талкууланып жатат. Кытайдын Мамлекеттик кеңешинин төрагасы Вэнь Цзя Бао Тайвандын континенталдык Кытайга тынч жол менен кошулуусунун зарылдыгын баса белгиледи. Ушул шейшембиде курултайда Тайвандын Кытайдан бөлүнүп кетүүсүнө жол бербөө максатын көздөгөн мыйзамдын долбору талкууга койулат. Ошону менен катар эле премьер өкмөт өлкөнүн банк системасын реформалоо, сот системасы менен орто билим берүү тармагын жакшыртуу үчүн чара көрө турганын айтты.
