БИШКЕК. 9-мартта жаштардын «Бирге» аттуу жаңы уюму Кыргыз улуттук университетинин алдында «Коркутууларга каршы бирге туруу» аттуу акция өткөрүшөт. Анда Жогорку окуу жайлардын администрациясынын студенттерди кысымга алуу фактыларына көңүл бурулмакчы. Акция атайын Улуттук университеттин алдында өткөрүлүп жатат. Анткени ушул университеттин студеттерине Бермет Акаеваны шайлайсыңар деп күчтүү басым жасалууда, деп белгиленген «Бирге» уюму тараткан маалыматта.
