Чечен жаңжалы тынч ыкмалар менен чечилиши керек

Еврокомиссиянын өкүлү Амадео Тардио Брюсселде жасаган билдирүүсүндө Евробиримдиктин бул позициясын кайрадан бышыктады.
Чечен лидери Аслан Масхадовдун мерт болгонун ал региондогу кырдаалдын туруксуздугун эскерткен иш катары баалады. Тардионун айтымында, Масхадовдун кандай жагдайда курман болгону тууралуу Еврокомиссияда жетерлик маалыматтар жок. Брюссель азыр региондогу кырдаалга кылдат көз салып турат, бирок Масхадовдун набыт болгону Чеченстандагы абалга таасирин тийгизбей койбойт. Тардио буга кошумчалап,Чеченстанда адам укуктары текши бузулуп жатканын ырастаган далилдер бар экенин белгиледи.