БИШКЕК. №33 Нарын шайлоо округунда парламенттик шайлоонун экинчи турун өткөрүү 20-мартка белгиленди. Бул тууралуу Борбордук шайлоо комиссиясынын 12-марттагы жыйынында жарыяланды. Маалыматка караганда, №33 Нарын шайлоо округу боюнча Карганбек Самаков менен Эркинтур Молдогазиев ат салышмакчы. 27-февралдагы добуш берүүдө экинчи турга чыккан талапкер Ишенбай Кадырбеков соттун чечими менен шайлоодон четтетилген.