Бул тууралуу кечээ Люксембургдун тышкы иштер министри Жан Асселборн билдирди. Министрлер кеңешинде бу маселени талкуулап-таңашып көрүп, мунаса табылбаган соң Хорватияны Евросоюзга мүчөлүккө кабыл алуу боюнча сүйлөшүүлөрдү баштоону белгисиз мөөнөткө чейин токтото туруу жөнүндө чечим кабыл алынды,деп айтты ал. Асселборндун айтымында, сүйлөшүүлөр качан гана ырасмий Загреб согуш кылмыштары боюнча Гаагадагы эл аралык трибунал менен кызматташуу тууралуу милдеттенмесин толук аткарганда башталышы мүмкүн. Мурда жарыяланган пландарга ылайык, сүйлөшүүлөр бүгүн башталмак.
