Исламабадда АКШнын мамлекеттик катчысы Кондализа Райс ушундай деп билдирди. Райстын айтымында, азыр бул өлкө 2001-жылдын 11-сентябрындагы Пакистан эмес, атүгүл андан бир жыл кийинки Пакистанга да окшобойт. Президент Первез Мушарраф менен анын кеңешчилери бир катар реформаларда омоктуу ийгиликтерге жетишти. Исламабаддагы сүйлөшүүлөрдө ядролук коопсуздук маселелери да козголду. Пакистан тышкы иштер министри Хуршид Касури өз кезегинде өлкөнүн жетекчилиги демократиянын жолунан тайбай, 2007-жылы ачык жана эркин шайлоо өткөрө тургандыгына ишендирди.
