Кытайга чейин Кондолиза Райс Ооганстан, Индия, Пакистан, Япония жана Түштүк Кореяда болуп, бир катар сүйлөшүүлөрдү өткөрдү. Сеул, Токио жана Бээжиндеги жолугушууларда Түндүк Кореянын өзөктүк программасы боюнча алты тараптуу сүйлөшүүлөрдү жандантуу маселеси талкууланды. Мамлекеттик катчы ошондой эле Европа биримдиги Кытайга курал-жарак сатуу пландарын ишке ашырса, региондогу аскерий баланс бузулат деп эскертти.
