КАРАКОЛ. Митингде облустун губернатору Токон Шайлиева куттуктоо сөз сүйлөп, учурдагы республикадагы, айрыкча Ош, Жалалабат жана Талас облустарындагы саясий абалга токтолуп, жалпы Кыргызстан элин ынтымакка, биримдикке чакырды. Ошондой эле ал облустук ички иштер башкармалыгынын алдында түзүлгөн экология кызматына 10 жеңил автоунаа тартуулады. Губернатордун айтымында, жыл аягына чейин дагы 20 автоунаа берилмекчи. Майрамдык иш чаралар театрлаштырылган көрсөтүүлөр, спорттук мелдештер жана шаардык ат майданында уюштурулган улуттук ат оюндар менен уланды.
