БИШКЕК. Кыргызстан элдик патриоттук кыймыл жетекчиси Назарбек Нышанов 4-апрелде Бишкекте маалымат жыйын өткөрдү. Ал Кыргызстанда 24-мартта орун алган ынкылапка «күч колдонуу менен мамлекеттик бийликти басып алган мамлекеттик төнкөрүш» деп баа берди. Ошондой эле ал жакын арада Кыргызстанда элдик курултай өткөрүүнү, Курманбек Бакиев баштаган бийликти кызматтан кетирүүнү жана президенттик шайлоону төрт айдан кийин өткөрүү демилгесин көтөрдү.
