БИШКЕК. Электр энергиясына жакын арада баа көтөрүлбөйт. Ал эми стратегиялык тармак болгон энергетика, суу, алтын өндүрүшү мамлекеттин колунда турганы оң, деп билдирди премьер министр Курманбек Бакиев 15-апрелде. Анын айтымында, инвесторлор Кыргызстандан кетип жатат деген маалымат чындыкка туура келбейт. Кайрадан жүз миллион, миллиард доллар инвестиция салууга дилгир компаниялар келүүдө. Мисал катары Бакиев ирандык, россиялык инвесторлорду атады. Алар мурда Кыргызстандагы коррупцияга байланыштуу инвестиция салууга батынбай турган, деп белгиледи Курманбек Бакиев.
