Владимир Путиндин Жакынкы Чыгыштагы визити Египетте башталат,андан соң эки күн Израилде болот жана 29-апрелде Палестин автономиясынын президенти Махмуд Аббас менен жолугат. Аббас өткөн айдын ортосунда Москвада болуп кеткен эле. Региондогу сапары маалында Путин мисирлик президент Хосни Мубарак, Израилдин жетекчилери менен сүйлөшүүлөрдү өткөрөт. Россия жөөт-палестин чатагын жөнгө салуу боюнча төрт демөөрчүнүн бири, бул топто АКШ, Евросоюз жана ООН бар.
