БИШКЕК. Кыргыз өкмөтүнө Иран Ислам Республикасы 50 миллион евро өлчөмүндө жеңилдетилген кредит бере турган болду. Бул тууралуу сөз президенттин милдетин аткаруучу, премьер-министр Курманбек Бакиев менен жолугушуу учурунда Ирандын Кыргызстандагы элчиси Голям Реза Багреми билдирди. Курманбек Бакиев Иран өкмөтүнүн мындай чечимине ыраазычылык билдирип, эки өлкө ортосундагы кызматташтык буга чейин кабыл алынган макулдашыуулардын чегинде ишке ашарын билдирди. Ал эми элчинин билдиргенине Караганда, Ирандын Кыргызстанда ишке ашыра турган эки долбоору бар. Алардын бири – 2 миң батир жана 200 гектар аянтка соода комплексин куруу.
