Кечээ күнү Испанияда 2001-жылдын 11-сентябрында АКШда ишке ашырылган террордук аракеттерди даярдоого катышкан деп күнөөлөнгөн 24 адамга каршы сот башталды, алардын көпчүлүгү Сирия жана Марокконун жарандары. Улуу Британияда болсо ошол эле 22-апрелде Саажид Бадат аттуу жигит 13 жылга эркинен ажыратылууга кесилди, ал - 2001-жылдын декабрында Парижден Майамиге бараткан учакты жардырууну көздөгөн ишке катышкан деп күнөөлөнгөн. Аракет ишке ашпай калган.
