Коопсуздук чаралары жөөтөрдүн Пасха майрамына байланыштуу күчөтүлүп, палестин аймактары жабылган. Бүгүн өлкө башкалаасы Тель-Авивден алыс эмес жерде үч палестин согушкер деген шек менен кармалды. Израил радиосунун билдиргенине караганда, ыктымал терракт жөнүндө маалымат түшкөндөн кийин полиция жолдорду жаап, ары-бери каттаган автоунааларды тинтүүгө алган. Камакка алынган үч палестин - ошол жол тосмолордун биринен токтотулган автоунаанын жүргүнчүлөрү. Алар менен чогуу жүргөн төртүнчү адам автоунаа токтотулганда качып кеткен.