Мындан бир ай мурда Ирактагы барымтадан бошотулган италиялык журналист Жулиана Сгрена бүгүн АКШнын Ирактагы жетекчилигин катуу сынга алды. Жетекчиликтин айтымында, Сгрена барымтадан бошонуп келе жатканда анын машинесине ок аткан америкалык аскерлер мыйзам бузган эмес жана ал тууралуу атайын иликтөө өткөрүлгөн. Сгренанын айтымында, алардын машинеси токтой баштагандан кийин гана аскерлер ок аткан жана андан Италиянын коопсуздук кызматынын офицери Никола Калипари курман болгон.
