Украинанын экс-президенти бир нече ирет сурак берди

Леонид Кучманы тергөөчүлөр мындан беш жыл мурда киши колдуу болгон журналист Георгий Гонгадзенин ишине байланыштуу суракка алышкан. Муну өлкөнүн башкы прокурору Святослав Пискун ырастады. Кучманын мурдагы жансакчыларынын бири Микола Мельниченко жаздырып алган үнтасмаларга таянып, журналисттин көзүн тазалаганга экс-президент көрсөтөмө берген деп эсептегендер бар. Бирок
Кучма бул ишке эч кандай катышы жоктугун айтууда.