ЖАЛАЛАБАТ. Курултайга республиканын туш тарабынан келишкен 450 делегат катышты. Алар Аскар Акаевдин бийлигин кулатуудагы элдик кошуундун аракетин жогору баалашып, ыңкылып алып келген бийликти сактап калуу үчүн аракет жасашаарын белгилешти. Ыңкылап учурунда Бишкектеги талап-тоноолорду төңкөрүшкө катышкандар эмес, жаңы бийликти жаман көрсөтүүнү каалаган адамдар жасагандыгын ортого салышты. Өлкөнүн бүтүндүгүнө шек келтирбөө үчүн президенттик шайлоонун таза жана калыс өткөрүүгө чакырыктар айтылды. Курманбек атмайданында 1-майга байланыштуу элдик кошуундун театрлаштырылган оюн-зооктор өткөрүлүп, ыңкылапка багышталып курулуучу эстеликтин пайдубалы түптөлдү. Курултайга “Эркиндик” партиясынын төрагасы Топчубек Тургуналиев катышып сөз сүйлөдү.
