БИШКЕК. Астма илдетинин проблемалары 3-майда Бишкекте өтө турган тегерек үстөлдө талкууланганы жатат. Астма илдетинин эл аралык күнүнө байланыштырылган бул талкууну саламаттыкты чыңдоо боюнча республикалык борбор кыргыз-фин долбоорунун алкагында уюштуруп жатат. Талкуу илдетке байланышкан проблемаларга коомчулуктун көңүлүн буруу максатын көздөйт. Саламаттык сактоо министрлигинин маалыматына караганда, 2003-жылы Кыргызстанда астма менен ооруган 7 миңден ашык киши катталган. Алардын 606сы жаш балдар.
