Казакстанда оппозициялык гезит жабылды

Жумурияттын маалымат министрлиги “Республика” гезитин жабуу жөнүндөгү буйруктун себебин түшүндүргөн жок.
Басылманын баш редакторунун орун басары Галина Дырдина өкмөттүн мындай кадамын сынга алды:

- Маалымат министрлигинин бул иш-аракеттери мыйзамсыз деп эсептейбиз. Биз сөзсүз сотко даттанабыз.

Буга чейин гезит бир нече жолу улам жабылып, башка аталыш менен кайра чыгарылып жүрдү.
Өткөн айда “Республиканын” баш редактору Орусияда казак бийлигинин өтүнүчү боюнча кармалып, кое берилген.