БИШКЕК. 11- майда “Ар-намыс” партиясынын курултайы өтөт. Анда президенттикке Феликс Куловдун талапкерлиги көрсөтүлүшү күтүлүүдө. Бул тууралуу аталган партиянын төрага орун басары Эмил Алиев 8- майда билдирди. Феликс Кулов курултайда президенттик шайлоого катышууга макулдугун бергенден кийин Борбордук шайлоо комиссиясына арызын берет жана кол топтоолор башталат. “Арнамыс” партиясы билдиргенге караганда, буга чейин Феликс Кулов президенттикке бир нече райондун тургундары тарабынан да көрсөтүлгөн. Анын талапкерлигин 8- майда Чүй дубанындагы Чоңарык айыл өкмөтүнүн 150дөй тургуну да көрсөтүштү.
