Кытай жана Япония ич ара араздашууну жөндөө боюнча сүйлөшүүлөрдү уланта берет деп билдирди Кытайдын тышкы иштер министрлиги. Япониянын тышкы иштер министринин орун басары Шотаро Яхи Бээжинге жума күнү эки күндүк сапарга келген. Эки өлкө арасындагы мамиле өткөн айда Кытайда болгон антияпончул демонстрациялардан кийин начарлап кеткен эле. Кытай тарапты Япониянын Улуттар Уюмунун Коопсуздук Кеңешине туруктуу мүчөсү болуу аракети кыжырданткан. Кытай тарап ошондой эле жаңы чыккан окуу китебинде Япониянын согуш учурунда кытайлыктарга көрсөткөн мыкаачылыктары көз жаздымында калыптыр деп нааразы болгон.
