16-май күнү Кыргызстан менен чектеш жайгашкан Карасуу шаарында чегара жана полиция кызматкерлеринин жок экендигине карабастан кырдаал тынч болду. Аталган шаар аймагына кирген Коргонтөбө районунун башчысы “Азаттыктын” кабарчысына коомдук тартип сакчылар 16-май күнү кызмат ордуларына келүүгө тийиш болчу, бирок алардын эч кимиси келген жок деп билдирди. Облустун борбору Анжиян шаары аскерлер тарабынан толук курчоого алынган. Шаарга кирүү да, чыгуу да мүмкүн эмес.
