БИШКЕК. Кыргызстандагы өзгөрүүлөрдү Европа Биримдиги оң баалады. Европа парламентинин депутаттык делегациясынын башчысы Оно Юкневичиене мындай пикирди 17-майда президенттин милдетин аткаруучу Курманбек Бакиев менен жолугушуудан кийин билдирди. Анын баамында, бирок Кыргызстанда абал туруктуу эмес. Ага Өзбекстандын Анжиян облусундагы толкундоолор да кошумча таасир берүүдө жана бул жагдай жаңы өкмөттүн башкы иши болуп турат. Оно Юкневичиене Европа Биримдиги 10-июлдагы президенттик шайлоого өз байкоочуларын жөнөтөөрүн да кабарлады.
