Бириккен Улуттардын Жалпы ассамблеясынын президенти Жан Пинг кечээ күнү Ассамблеянын кароосуна жаңы документ сунуштады жана ал бүгүн талкуулана баштады. Анда - уюмдун Адам укуктар боюнча комиссиясын кайра түзүү, анти террордук жалпы келишим даярдоо, жакыр өлкөлөргө бай мамлекеттер тарабынан көбүрөөк жардам көрсөтүү, Эл аралык кылмыш сотун колдоо жана башка сунуштар келтирилет. Анткен менен уюмдун Коопсуздук кеңешин кеңейтүү боюнча көптөн бери талкууланып келген маселе тууралуу эч нерсе деп айтылбайт.
