Ирактын Арбил шаарында бүгүн башталган Күрд автономиясынын парламентинин биринчи сессиясында анын спикери болуп Аднан ал-Муфти шайланды. Сессияга Ирактын жаңы президенти Жалал Талабани жана өлкө парламентинин спикери Хажим ал-Хасани катышууда, бирок премьер-министр Ибрагим ал-Жаафари келген жок. Президент Талабани улуту боюнча күрд, спикер Хасани сунни, ал эми премьер Жаафари шийи мусулман. Күрд парламенти 111 депутаттан турат, автономиянын президенти болуп Масуд Барзани шайланган.
