БИШКЕК. Жекшембиде Кочкор жана Тоң шайлоо чөлкөмдөрүндө парламентке кайра шайлоо өттү. Борбордук шайлоо комиссиясынан алынган маалыматка караганда, аталган округдардын жашоочулары шайлоого активдүү катышты. Тоңдо шайлоого байкоочуларын койгон “Шоола көл” бейөкмөт уюму билдиргенге караганда, шайлоо жалпысынан тынч өттү. Эскерте кетели, бул округда жалгыз талапкер Арсланбек Малиев шайлоого катышты. Жекшембиде Кочкор округунда да шайлоо жалпысынан тынч өттү. Бул округда 6 талапкер ат салышты.
