6-июнда Бишкек шаарынын биринчи май райондук соту ички иштер министрлигинин кылмыштуулукка каршы күрөш башкармалыгынын башчысы Чыныбек Алиевдин өлүмүнө айыпкер катары шектелген алты адамга байланыштуу соттук териштирүүнү улантты. Алардын катарында «Социал-демократтар» саясий партиясынын башчысы Алмаз Атамбаевдин жан сакчысы да аталып келатат. Чыныбек Алиев өткөн жылы 5-майда атып өлтүрүлгөн. Ал эми өткөн айда маркум Чыныбек Алиевге генерал-майор деген наам ыйгарылды.
