Израилдин Жогорку соту бүгүн атайын чечим кабыл алып, басылып алынган араб жерлериндеги жөөт айылдарын көчүрүп кетүү Израилдин мыйзамдарына каршы келбейт деген бүтүм чыгарды. Андай аракетке оппозиция каршы чыккан жана Жогорку сотко 12 арыз келип түшкөн. Анткен менен премьер-министр Ариел Шарондун планы боюнча, бардык жөөт айылдары көчүрүлбөйт, Йордан дарыясынын батыш жээгинде курулган кээ бир айылдар ордунда калууга тийиш.
