БИШКЕК. 11-июнда Европадагы коопсуздук жана кызматташтык уюмунун Бишкектеги академиясында донор-өлкөлөрдүн жана эл аралык уюмдардын өкүлдөрү Кыргызстандын атуулдук коому, бийлик өкүлдөрү менен жолугушат. Анда президенттик администрациянын башчысынын орун басары, тышкы саясат боюнча бөлүмүнүн башчысы Аликбек Жекшенкулов, ЕККУнун Бишкектеги өкүлчүлүгүнүн башчысы Маркус Мюллер, ПРООНдун туруктуу өкүлү Ежи Скуратович, Борбордук шайлоо комиссиянын төрагасы Туйгуналы Абдраимов шайлоого даярдык боюнча сөз сүйлөмөкчү.Андан кийин шайлоо боюнча долбоорлордун аткарылышы талкууланат.
