БИШКЕК. 15-июнда президенттин милдетин аткаруучу Курманбек Бакиевдин жарлыгы менен өлкөнүн Башкы прокурору болуп Азимбек Бекназаров дайындалды. Бекназаров 24-марттагы ыңкылаптан бери Башкы прокурордун милдетин аткарып келген. Ошондой эле Бакиевдин дагы бир жарлыгы менен Кыргызстандын Түркиядагы атайын жана ыйгарым укуктуу элчиси болуп Мамбетжунус Абылов дайындалды.
