БИШКЕК. Премьер-министр Курманбек Бакиевдин 18-июндагы буйругу менен Ички иштер министринин орун басары Абдулда Суранчиев ээлеген кызматынан бошотулду. Өкмөт башчысынын ушул эле күнкү жарлыктары менен, Бишкек шаарында коомдук-саясий кырдаалды дестабилдештирүү боюнча деструктивдүү күчтөрдүн ниетин өз учурунда таба албагандыгы үчүн Улуттук коопсуздук кызматынын төрагасы Таштемир Айтбаевге, анын биринчи орун басары Токтокүчүк Мамытовго сөгүш жарыяланып, ал эми Улуттук гвардиянын командачысы Абдыгул Чотбаев ээлеген кызматына толук жооп бере албагандыгы эскертилди. Бул тууралуу өкмөттүн маалымат кызматынан билдиришти.
