БИШКЕК. 17-июнда Өкмөт үйүн басып алууга жасалган аракет Кыргызстандын экс-президенти Аскар Акаевдин үй-бүлөсү, анын күйөө баласы Адил Тойгонбаев тарабынан каржыланды. Мындай билдирүүнү 18-июнда өлкөнүн вице-премьер-министринин милдетин аткаруучу Данияр Үсөнөв маалымат жыйынында жасады. Данияр Үсөнөвдун жана вице-премьер-министрдин милдеттерин аткаруучу Адахан Мадумаровдун маалыматттарына караганда, президенттикке талапкерлигин көрсөтүп, катталбай калган Урмат Барктабасовдун байлыгы негизинен Аскар Акаевдин үй-бүлөсүнүн байлыгынан түзүлгөн. Маалымат жыйынында Кыргызстанда 24-марттагы ыңклапка каршы болгондор учурда жогорку кызматтагылардын, парламенттин депутаттарынын арасында, сот бийлигинин тармагында бар экендиги белгиленди.
