БИШКЕК. 4-июлда Кыргызстанга АКШынын Эл аралык республикалык инсититутунан байкоочулар келет. Алар 10-июлда өтүүчү президенттик шайлоодо 100 участокто байкоо жүргүзүшөт. Делегациянын курамында АКШ, Улуу Британия, Таиланд, Австралия жана Украинанын өкүлдөрү бар. Делегацияны Эл аралык республикалык институттун аткаруучу вице-президенти Жуди Ван Рест жетектеп келет. Бул туурлауу аталган институттан 2-июлда билдиришти. Байкоочулар президенттикке талапкерлер жана журналисттер менен жолугушат. Эл аралык республикалык институт Кыргызстанда өз ишмердүүлүгүн 2004-жылы баштаган.