Шайлоонун баштапкы расмий жыйынтыгына караганда, оппозициядагы Демократиялык партия калктын 45 пайызынын колдоосуна ээ болгон. Ал эми башкаруучу Социалисттик партиянын добушу 30 пайыздын тегерегинде. ЕККУнун байкоочулары шайлоону "жалпысынан эл аралык жана демократиялык нормаларга жооп берди" деп баалады. Албан парламенти 140 орундан турат. Өлкөдө добуш берүүгө укуктуу 2,8 миллион шайлоочу бар.
