БИШКЕК. Президенттик шайлоо алдында өлкөдө абал туруктуу. Милиция кызматкерлери күчөтүлгөн тартипте кызмат кылууда. Бул тууралуу ички иштер министрлигинин басма сөз катчысы Нурдин Жангараев 8-июлда билдирди. Анын айтымында, акыркы кезде эки-үч багыттагы баракчалар таратылды. Анын бирөөсү орус тилдүү калкка каршы багытталса, дагы биринде мурунку президент Акаевди «хандыкка көтөрүү», Николай Танаевди «президенттикке шайлоо» демилгеси жазылган.
