БИШКЕК. 9-июлда Борбордук шайлоо комиссиясы жалпы кыргызстандыктарга кайрылуу жолдоду. Анда БШК баардык атуулдарды президенттик шайлоого катышып, татыктуу деп тапкан талапкерине добуш берүүгө үндөгөн. Ошондой эле участкалык шайлоо комиссиясынын мүчөлөрүн шайлоону калыс өткөрүүгө өз салымдарын кошууга чакырган. Кайрылууда “10-июль Кыргыз Республикасынын президентин шайлоо күнү. Бул күн Кыргызстандын өнүгүп-өсүшүнүн, дүйнө мамлекеттеринин катарында кадыр-баркынын жогорулашынын башталыш баракчасы болуп калсын. Баардыгыңыздарды добуш берүүгө чакырабыз!” деп айтылат.
