БИШКЕК. Бишкектеги «Кока-кола» суусундугун чыгаруучу заводдун аймагынан 14-июль күнү күндүзгү саат үчтөрдө өрт чыкты. Өрт 800 чарчы метр жерди кучагына алды. Бишкектин өрт өчүрүүчү кызматынын кабарлоосуна караганда, өрттөн суусундук ташуучу полуэтиленден жасалган бир нече жашик жана алардын алдына коюлган тактайлар күйүп кетти. Бир нече сааттан кийин өрт толугу менен өчүрүлдү. Учурда өрттүн чыгуу себеби иликтенүүдө.
