БИШКЕК. Кыргызстандагы жана Өзбекстандагы америкалык аскердик базалар Ооганстандагы операицялар үчүн эле турган жок, бул регион АКШ үчүн бир топ тармакта маанилүү. Бул тууралуу Американын куралдуу күчтөрүнүн генералы Ричард Майерс “Ассошейтед пресс” агенттигине билдирген. Ричард Майерс ШКУнун Астана жыйынындагы декларациясына “эки чоң мамлекет кичинекей өлкөлөргө басым жасагысы келип атат” деп баа берген. ШКУга кирген мамлекеттер 5-июлда америкалык куралдуу күчтөрдүн Борбор Азиядан чыгарылуу мөөнөтү жөнүндө сөз козгошкон. Бул өлкөлөрдүн ичинен Кыргызстанда жана Өзбекстанда амеркиалык аскердик база жайгашкан.
