БИШКЕК. Ант берүү аземи өткөндөн кийин, президент Курманбек Бакиев үч күндүн ичинде биринчи вице-премьер-министринин милдетин аткаруучу Феликс Куловду премьер-министрдин милдетин аткаруучу кылып дайындайт. Ага өкмөт курамын түзүүгө убакыт берилет. Өкмөттүн курамын түзүү иштери Конституцияга, мыйзамдарга ылайык жүргузүлөт. Бул тууралуу 18-июлда вице-премьер-министрдин милдетин аткаруучу Адахам Мадумаров билдирди. Парламентке өкмөттүн жаңы курамын бекитүү сентябрь айында сунушталаары күтүлүүдө.