Иракта кечээ күнү болгон ар башка жардыруулар жана кагылышуулардан 22 адам набыт кетти. Анын алдында Мусайиб шаарында ишке ашырылган террор аракетинен өлгөндөрдүн саны токсондон ашты. Иракта түзүлгөн атайын трибунал болсо өлкөнүн мурдагы президенти Саддам Хусейнге алгачкы расми күнөө койду. Ал 1982-жылы 140 шийи мусулманы өлтүрүлгөнүнө жооптуу деп айыпталууда.
