БИШКЕК. Германиянын федералдык канцлери Герхард Шрөдер Курманбек Бакиевди президенттикке шайланышы менен 19- июлда куттуктады. “Мен сизди чын жүрөктөн куттуктап, алдыңыздагы оор мүдөөлөрдү аткарууда ийгиликтерди каалайм” дейт Герхард Шрөдер. Анын пикиринде, Кыргызстан эми укуктук, демократиялуу бекем мамлекет куруу мүмкүнчүлүгүнө ээ болду. “Бул жолдо Германия сиздин мамлекет үчүн ишенимдүү шерик бойдон кала берет” деп жазылат Герхард Шрөдердин куттуктоо телеграммасында.
