Ыстамбул шаарында кечээ күнү Ирактын кошуна мамлекеттеринин ички иштер министрлеринин эки күндүк конференциясы башталды жана анда - сырттан даярдалган согушкерлерди Иракка өткөрбөө маселеси талкууланды. Түркиянын ички иштер министри Абдулкадир Аксунун айтымында, Ирактагы кагылышуулар үчүн негизинен сырттан даярдалган лашкерлер жооптуу, ошондуктан кошуна мамлекеттер чек арадагы коопсуздукту күчөтүп, андай кызматташуу боюнча атайын протоколго кол коюуга тийиш.
