Кечээ Египеттин курорттук Шарм-эш-Шейх деген шаарындагы жардыруу боюнча 70ке жакын адам кармалды. Египеттин Ички иштер министри Хабиб ал Адли Шарм-эш-Шейхтеги жардыруу өткөн жылы дагы бир курорттук шаар Табада болгон жардыруу менен байланышы бар экендигин жокко чыгарган жок. Ал Шарм-эш-Шейхтеги жардыруудан кеминде 90го жакын адам өлүп, 200дөн ашуун адам жарат алгандыгы айтылууда. Жардырууну террористтик эки уюм - бири жергиликтүү, экинчиси “ал-Каида” менен байланышы бар уюм дароо мойнуна алды.
