Жакын арада Иран менен европалык мамлекеттер ортосунда дагы өлкөнүн өзөктүк изилдөөлөрү менен байланыштуу жаңы сүйлөшүүлөр башталууга тийиш, бирок президент Мохамад Хатами бүгүн журналисттер менен жолугуп, сүйлөшүүлөр кандай нукта өтсө дагы жана Батыш Тегеранга кандай сунуш кылса дагы, Иран баары бир өз өзөктүк изилдөөлөрүн улантат деп билдирди. Эл аралык коомчулуктун басымы астында андай изилдөөлөр Иранда өткөн ноябрда убактылуу токтотулган.
